पणजी : राज्य अग्निशमन (Goa Fire Brigade) व आपत्कालीन सेवा खात्याच्या संचालकपदाचा अतिरिक्त ताबा उपसंचालक नितीन रायकर यांच्याकडे सोपविण्‍यात आला आहे. त्याबाबतचा आदेश गृह खात्याने काढला आहे. माजी संचालक अशोक मेनन हे 31 ऑक्टोबरला सेवानिवृत्त झाले आहेत. विशेष म्‍हणजे पहिल्यांदाच संचालकपदाचा ताबा एका गोमंतकीय अधिकाऱ्याकडे देण्‍यात आला आहे.

अग्निशमन व आपत्कालीन सेवा खात्याची स्थापना 37 वर्षांपूर्वी झाली. त्यावेळी या खात्याचे पहिले संचालक डॉ. पी. के. जॉन हे होते. ते निवृत्त झाल्यानंतर 2006 साली संचालकपदी अशोक मेनन यांची नियुक्ती करण्यात आली. हे दोन्ही अधिकारी बिगरगोमंतकीय होते.

अग्निशमन संचालकपदी

गोव्‍याचे नितीन रायकर