ग्रेशिया डी ओरटा, पणजी येथे बोटॅनिकल सोसायटी ऑफ गोव्याच्या वतीने वार्षिक प्लांट उत्सव आयोजित करण्यात आला आहे.

शुक्रवारी (दि.18) सुरू झालेला हा उत्सव रविवारी (दि.20) पर्यंत सुरू राहणार आहे.

बोटॅनिकल सोसायटी गोवा (बीएसजी) चे अध्यक्ष आणि लँडस्केप डिझायनर डॅनियल डिसोझा यांनी या कार्यक्रमात विविध झाडे, वनस्पती आणि रोपे प्रदर्शन आणि विक्रीसाठी उपलब्ध केली आहेत.

या प्रदर्शनात डॅनियल डिसोझा यांनी स्वत: संगोपन आणि वाढवलेली दुर्मिळ वनस्पती याठिकाणी पाहायला मिळतील.

डॅनियल डिसोझा यांनी या झाडांसाठी विशेष मेहनत घेतली आहे. वर्षानुवर्षे ही झाडे जगवण्यासाठी त्यांनी अथक प्रयत्न केले आहेत.

वयोवृद्ध लोकांसह युवावर्गाने देखील या प्रदर्शनात सक्रिय सहभाग नोंदवला आहे. गोव्यासह इतर राज्यातील नागरिक देखील या प्रदर्शनात सहभागी झाले आहेत.

देश विदेशातील झाडे, वनपस्तींच्या प्रजाती जपण्यासाठी डॅनियल डिसोझा मागील 25 ते 30 वर्षांपासून प्रयत्नशील आहेत. प्लांट उत्सवाच्या रूपाने त्यांच्या या प्रयत्नाला सार्वजनिक व्यासपीठ मिळत आहे.

रविवारी देखील प्लांट उत्सव नागरिकांसाठी खुलं राहणार आहे.