आसगाव येथे घराचा दरवाजा तोडून सुरक्षित लॉकरमधील 12 लाख रुपयांची रोकड चोरट्याने लंपास केल्याची तक्रार दिनांक 18 सप्टेंबर 2022 रोजी मेहबूब मुल्ला यांनी हणजूण पोलिसांत केली होती. त्यानुसार पोलिसांनी मुळचा पश्चिम बंगालचा असलेल्या एका संशयिताला आज अटक केली. (Anjuna Police arrested one West Bengal native for theft of Rs.12 lakh ruppes at Assagao Bardez )

मिळालेल्या माहितीनुसार हणजूण पोलिसांनी तक्रार दाखल होताच एक पथक तयार कले आणि घटनास्थळाची पाहणी करत तपास सुरु केला. तपासादरम्यान जमिनीवर काही रक्ताच्या खुणा दिसल्या. त्यानुसार सीसीटीव्ही फुटेजचे विश्लेषण करून तक्रारदाराच्या सर्व कर्मचाऱ्यांची चौकशी करण्यात आली. यावेळी एका कर्मचाऱ्याच्या अंगावर जखमेच्या खुणा आढळून आल्या. यानंतर त्याला पोलिसी खाक्या दाखवताच वरील रोख रक्कम त्यानेच चोरी केल्याचे उघड झाले.

आरोपीचे नाव बिश्वजित गौर असे असून तो मूळ कोलकाता, पश्चिम बंगाल येथील आहे. त्याच्यावर कलम 457, 380 IPC अंतर्गत गुन्हा दाखल करत त्याला अटक करण्यात आली. गुन्ह्याची नोंद झाल्यानंतर अवघ्या 12 तासांत अंजुना पोलिसांनी त्वरीत कारवाई केली. पुढील तपास पीआय प्रशांत देसाई, एसडीपीओ मापुसा जिवबा दळवी यांच्या देखरेखीखाली LPSI स्नेहा सावळ यांच्याकडे सुरू आहे.