Anjuna Fatal Accident

गोव्यातील अपघातांचे सत्र काहीकेल्या थांबण्याचे नाव घेत नाही. सोमवारी (दि.11 मार्च) हणजुणेत झालेल्या दुचाकीच्या अपघातात आंध्रप्रदेश येथील तरुणीचा मृत्यू झाल्याची माहिती समोर आली आहे.

मृत तरुणी पर्यटक असल्याची प्राथमिक माहिती समोर आली असून, सकाळी स्टार्को जंक्शन येथे हा अपघात झाला.

टी पुजिथा (वय 27, रा. आंध्रप्रदेश) असे अपघातात मृत झालेल्या तरुणीचे नाव आहे.

मिळालेल्या माहितीनुसार, टी पुजिथा रेंट बाईकवरुन प्रवास करत असताना तिची दुचाकी स्टार्को जंक्शन येथे संरक्षक कठड्याला धडकली. धडक बसल्यानंतर रस्त्यावर कोसळलेल्या पुजिथाच्या अंगावरुन भरधाव कार गेल्याने तिचा जागीच मृत्यू झाला.

कार चालक घटनास्थळावरुन फरार झाल्याची माहिती समोर आली आहे. दरम्यान, अपघातात रेंट दुचाकीचे देखील किरकोळ नुकसान झाले आहे.

हरमलमध्ये वाहन अंगावरुन गेल्याने चुलतभावांचा झाला होता अंत

हरमलमध्ये वाहन अंगावरुन गेल्याने चुलतभावांचा अंत झाला होता. कारचा अचानक दरवाजा उघडल्याने दुचाकीवरुन जाणारे दोघे रस्त्यावर कोसळले. दरम्यान याचवेळी आलेले भरधाव वाहन त्यांच्या अंगावरुन गेल्याने दोघांचा मृत्यू झाला होता.

या अपघातात साहील शंकर नाईक (वय १७ वर्षे) आणि त्याचा चुलतभाऊ दीप दिलीप नाईक (वय २१ वर्षे) यांचा मृत्यू झाला होता.