डिचोली: शिक्षकाकडूनच एका अल्पवयीन विद्यार्थिनीवर लैंगिक अत्याचार करण्याचा खळबळजनक प्रकार डिचोलीतील एका शाळेत घडला आहे. या प्रकरणी संबंधित शिक्षकाविरोधात पोलिसांनी गुन्हा नोंद केला असून, संबंधित शिक्षकाची अटक अटळ आहे.

दरम्यान, या प्रकारामुळे डिचोलीत खळबळ माजली असून, याप्रकरणी जोरदार चर्चा सुरु आहे. हा प्रकार डिचोली तालुक्यातील महाराष्ट्राच्या सीमेलगतच्या एका ग्रामीण भागातील हायस्कूलमध्ये घडल्याची माहिती मिळाली आहे.

पीडित १४ वर्षीय अल्पवयीन मुलीच्या पालकांनी डिचोली पोलिसांत तक्रार दिल्यानंतर पोलिसांनी ''पॉक्सो'' कायद्याखाली गुन्हा नोंद केल्याची माहिती मिळाली आहे. याप्रकरणी वरिष्ठ अधिकाऱ्यांच्या मार्गदर्शनाखाली डिचोली पोलिस पुढील तपास करीत आहेत.