Quelossim News: केळशी समुद्र किनाऱ्यावर जाणाऱ्या वाटेवर असलेली वाळूची टेकडी कापून प्रसिद्ध क्रिकेटर आशिष नेहरा यांच्या मालकीच्या जागेत जाण्यासाठी अवैधरित्या रस्ता तयार करण्याचा प्रयत्न केल्यामुळे केळशीत वातावरण तापले असून याच मुद्द्यावरून केळशीचे सरपंच डिक्सन वाझ आणि बाणावलीचे आमदार व्हेंझी व्हिएगस यांच्यात हमरी तुमरी झाली.

एव्हढ्या मोठ्या प्रमाणावर पर्यावरणाचा विद्ध्वंस होत असतानाही सरपंच गप्प का, असा सवाल आमदार व्हिएगस यांनी यावेळी केला आणि ही जमीन पूर्वस्थितीत आणण्यासाठी काय प्रयत्न झाले, असा सवाल केला तर सरपंच डिक्सन वाझ यांनी हा रस्ता अवैध असल्याने काम बंदचा आदेश पंचायतीने जारी केला आहे.

मात्र, जमीन पूर्वस्थितीत आणण्याचे आदेश काढण्याचे काम सीआरझेडचे आहे, असे त्यांनी सांगितले. असे असले तरी पंचायत हाही आदेश जारी करेल, असे त्यांनी सांगितले. गोलंदाज आशिष नेहरा याने दक्षिण गोव्यात केळशी समुद्र किनाऱ्याजवळ एक जमीन घेतली असून या मालमत्तेत जाण्यासाठी वाट नसल्याने ही वाट बनवली जात होती.