गोव्यात कार्निव्हल उत्सव आज दोन वर्षानंतर पार पडत आहेत. कोविड-19 नियमांचे पालन करून हा कार्यक्रम पार पाडला जात आहे. ठिकठिकाणी कार्निव्हल उत्सवाला चांगला प्रतिसाद मिळताना दिसत आहे. तसेच यादरम्यान काही उचित प्रकार घडू नये यासाठी पोलिस (police) देखील सज्ज आहेत. मात्र, आज फ्लोट परेड पाहण्यासाठी पणजीत मोठ्या प्रमाणावर नागरिक आले होते. यावेळी परतत असताना रोडवर मोठ्या प्रमाणावर वाहतूक कोंडी झाल्याचे चित्र पाहायला मिळाल.

यावेळी या वाहतुकीत एक ॲम्ब्युलन्स (Ambulance) अडकल्याने वाहतूक (Traffic) पोलिसांची मोठ्या प्रमाणावर दमछाक झाल्याचे दिसले. ही घटना डीबी बांदोडकर रोडवर घडली. पणजीच्या (Panaji) बाहेरील भागात वाहतूक कोंडी झाल्याचे पाहायला मिळाले. यावर वाहतूक पोलिसांनी काहीवेळात ही समस्या सोडवली.