मडगाव: बोगमाळो वास्को (Bogmalo Vasco) येथील अमर नाईक याच्या खून प्रकरणात (Amar Naik Murder Case) खुनाची सुपारी देणाऱ्या अमरच्या प्रेयसीच्या भावाला दुबईत (Dubai) अटक (Arrested) करण्यासाठी गोवा पोलिसांनी केंद्रीय यंत्रणांशी संपर्क साधल्याची माहिती पोलीस सूत्रांकडून मिळाली आहे. दरम्यान या प्रकरणी पोलिसानी सर्व आरोपींनी संगनमताने कट रचून हा खून केल्याचा नवा गुन्हा आरोपीवर नोंद केला आहे. मिळालेल्या माहिती नुसार पोलिसांनी अमरच्या प्रेयसीच्या भावाच्या पासपोर्टची माहिती मिळवली असून ती केंद्रीय यंत्रणांना दिली आहे. या यंत्रणांमार्फत त्याला दुबईत अटक होण्याची शक्यता आहे.

अमरचे आपल्या बहिणीशी असलेले संबंध मान्य नसल्याने या संशयिताने आपला उत्तर प्रदेश मध्ये राहणारा मित्र रवीशंकर यादव याला 5 लाखांची सुपारी देऊन हा खून करवून आणला होता. या प्रकरणात या पूर्वी वास्को पोलिसांनी रविशंकर यांच्यासह एकूण तिघांना अटक केली आहे. दरम्यान, हा खून म्हणजे एक सुनियोजित खून असल्याने पोलिसांनी सर्व संशयितांच्या विरोधात भा. दं. सं. च्या 120 (ब) ( गुन्हेगारी कट कारस्थान रचणे) कलमाखाली नवा गुन्हा नोंद केला आहे.