Siolim Hotel Shootout: शिवोली येथील एका हॉटेलमध्ये गोळीबार करून हत्येचा प्रयत्न केल्याप्रकरणी न्यायालयाने जेम्स डिसुझा, मोहम्मद मनियार, सूरज सिंग या तिघाही संशयितांना पाच दिवसांची पोलिस कोठडी सुनावली आहे.

बुधवारी 1 वाजण्याच्या सुमारास वाडी-शिवोली येथील एल पॅत्रोन या रेस्टॉरन्टमध्ये घडला होता. पोलिसांनी या प्रकरणी तिघा संशयितांना अटक केली होती. जून 2022 मध्ये संशयित सोझा याने दारूच्या नशेत पिस्तूलातून गोळी झाडून म्हापशात दहशत माजवली होती. त्यावेळी म्हापसा पोलिसांनी त्याच्यासमवेत दोघा संशयितांना अटक केली होती.

वाडी-शिवोली येथील एल पॅत्रोन या रेस्टॉरन्टमध्ये बुधवारी 1 वाजण्याच्या सुमारास संशयित आरोपींचा चार-पाच जणांचा गट आला. संशयित रेस्टॉरन्टच्या बार काऊंटरसमोर उभे राहिल्याने रेस्टॉरन्ट चालक अक्षद शेट्ये यांनी त्यांना बाजूला राहण्याची सूचना केली.

त्यावरुन संशयितांनी त्यांच्याशी वाद घातला व शिवीगाळ केली. यावेळी त्याच्यातील संशयित जेम्स सोझा याने त्याच्याकडील पिस्तूल काढले व रेस्टॉरन्ट चालकावर पिस्तूलाची गोळी झाडली.

यात सुदैवाने रेस्टॉरन्ट चालक बचावले. तसेच संशयिताने रेस्टॉरन्ट चालक व कामगारांना यावेळी धमकी दिली व तेथून निघून गेला. दरम्यान, रेस्टॉरंट मालकाने या घटनेबाबत बुधवारी हणजूण पोलिसांत तक्रार दाखल केली. त्यावरून गुन्हा दाखल करण्यात आला.

तक्रारीच्या आधारे म्हापसा पोलिसांनी जेम्स डिसोझा (44) रा. धुळेर बार्देश, मोहम्मद मणियार (29) रा. करासवाडा, बार्देश यांना अटक केली होती. तर पळून जाण्याच्या प्रयत्नात असलेला तिसरा संशयित सूरज सिंग (19) रा. करासवाडा याला थिवी रेल्वे स्थानकावरुन अटक करण्यात आली.