Kadamba Transport Corporation Goa

पणजी: गोव्यातील रस्त्यावर Electric बस धावण्यास सुरुवात झाली आहे. राज्य सरकारने सर्वच बस Electric करण्याचा निर्णय घेतल्याने आगामी काळात यात मोठ्या संख्येने वाढ होणार आहे. दरम्यान, बसची संख्या वाढली तरी त्यासाठी आवश्यक चालक कदंब महामंडळाला गोव्यात मिळेनासे झालेत. अलिकडेच याबाबत एक जाहीरात कर्नाटकात झळकली आहे.

समोर आलेल्या माहितीनुसार, गोव्यात धावणाऱ्या Electric बससाठी चालक हवे आहेत, अशी जाहीरात कर्नाटकमध्ये झळकली आहे. Electric बससाठी गोव्यात चालक मिळत नसल्याने आता शेजारी कर्नाटकात चालकांचा शोध घेतला जात आहे.

कर्नाटकात झळकलेली जाहीरात ओलेक्ट्रा कंपनीने प्रसिद्ध केल्याची माहिती समोर आली आहे. सर्वप्रथम गोव्यातच याबाबत जाहीरात प्रसिद्ध करण्यात आली होती. पण, अपेक्षित प्रतिसाद न मिळाल्याने कंपनीने कर्नाटकात चालकांचा शोध घेण्यास सुरुवात केल्याचे सांगितले जात आहे.

कदंब महामंडळाचे अध्यक्ष उल्हास तुयेकर यांनी कर्नाटकात प्रिसिद्ध झालेल्या जाहीरातीची माहिती देताना कंपनीने ती प्रसिद्ध केल्याचे सांगितले.

ओलेक्ट्रा कंपनीसोबत झालेल्या करारानुसार Electric बसचे चार्चिंग, देखभाल आणि चालकांच्या नियुक्तीची जबाबदारी कंपनीकडे आहे. तर या बसमधील वाहक कदंबचे कर्मचारी असतील. चालक हवे असल्याची जाहीरात गोव्यात देखील प्रसिद्ध करण्यात आली होती पण, त्याला अपेक्षित प्रतिसाद मिळाला नाही. त्यामुळे कंपनीने कर्नाटकात जाहीरात प्रसिद्ध केल्याचे स्पष्टीकरण तुयेकर यांनी दिले.