पणजी: अभिनेता गौरव बक्शी पुन्हा अडचणीत सापडला आहे. जुने गोवा पोलिसांनी त्याच्याविरोधात गुन्हा नोंद केला आहे. चोडण येथील मालमत्तेत बेकायदेशीरपणे घुसून धमकावल्याप्रकरणी बक्शीसह एका अनोळखी महिलेविरोधात गुन्हा नोंदवला आहे.
याप्रकरणी श्याम भोमकर (५३) यांनी तक्रार दाखल केली आहे. बक्शी आणि एक महिला नोव्हेंबर ०२ रोजी सकाळी साडेनऊच्या सुमारास बेकायदेशीरपणे घरात घुसले. कुटुंबीयांना धमकी दिली आणि वाईट परिणाम भोगावे लागतील, अशी धमकी दिली, असे भोमकर यांनी दाखल केलेल्या तक्रारीत नमूद केले आहे.
मालमत्ता वाद आणि सोशल मीडियावरील व्हिडिओच्या वादावरुन ही घटना घडल्याचे समोर आले आहे. दरम्यान, बक्शी यांनी हा गुन्हा ‘वेस्ट ऑफ टाईम’ असल्याचे म्हटले आहे. पोलिसांकडून अद्याप याप्रकरणी कोणत्याही प्रकारची अधिकृत माहिती मिळाली नसल्याचेही बक्शी यांनी सांगितले.
“भोमकर यांच्याकडे मुंडकार अधिकार नसून, त्यांनी केलेले आरोप चुकीचे आहेत. अर्ध्या चोडणची मालकी आमच्याकडे आहे, असाही हा व्यक्ती दावा करतो. हे राजकीय सूडबुद्धीतून केल्याचे दिसते. गेल्या महिन्यात भाजपने माझ्याविरोधात खोटे आणि चुकीचे व्हिडिओ प्रसिद्ध केले. मी याप्रकरणी तक्रार दाखल केलीय”, असे बक्शी म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.