Accident in Dhargal: राज्यात अपघातांची मालिका काही केल्या संपल्याचे नाव घेत नाही. पेडण्यातील धारगळ येथे एक भीषण अपघात झाला आहे. यामध्ये दोघेजण जखमी झाले आहेत.

माहितीनुसार, धारगळयेथील दोन खांब जवळ हा अपघात घडला आहे. इथल्या पेट्रोलपंपाजवळ एक मिनीबस दुभाजकाला जाऊन आदळली. प्रवाशांना सोडून मिनीबस परतत असताना समोरून चुकीच्या बाजूने दुचाकी येत होती.

यामुळे बसचालकाचे गाडीवरील नियंत्रण सुटले आणि दुचाकीला वाचवण्याच्या नादात बसची दुभाजकाला जोरदार टक्कर झाली.

यामध्ये बसमधील दोघेजण जखमी झाले आहेत. त्यांना उपचारासाठी रुग्णालयात दाखल करण्यात आले आहे.

बाणस्तारी अपघातानंतर वाहतूक पोलीस अधिकच सक्रिय झाले असून, वाढते अपघात रोखण्यासाठी वाहनचालकांवर कठोर कारवाईचे सत्र सुरू आहे.