Accident at Parra Goa : म्हापशातील पर्रा येथे एका पर्यटकाच्या कारची लहान सायकलस्वार मुलाला धडक बसल्याने अपघात झाला आहे. ही घटना आज सायंकाळी 6.30 वाजण्याच्या सुमारास घडली. या धडकेत सायकलस्वार मुलगा गंभीर जखमी झाला. त्याला अधिक उपचारासाठी रुग्णालयात दाखल करण्यात आले.

पर्रा येथे आलीया आणि शाहरुखच्या 'डिअर झिंदगी' या बॉलीवूड चित्रपटाचे शूटिंग झाले आहे. त्यामुळे येथील रस्त्यावर पर्यटकांची गर्दी पहायला मिळते. मात्र, या प्रकारामुळे तेथे वाहतूक कोंडी होत असल्याने याचा त्रास स्थानिक नागरिकांना सहन करावा लागतो.

याबाबत प्रत्यक्षदर्शींनी दिलेली माहिती अशी की, आज सायंकाळी 6.30 वाजण्याच्या सुमारास पर्रा येथील स्थानिक 11 ते 12 वर्षीय युवक रितेश उग्रिजा सायकलवरून शिकवणीला जात होता. यावेळी त्याच्या सायकलला पर्यटकाच्या थार कारची धडक बसली. या धडकेत रितेश शेतात खाली पडला व गंभीर जखमी झाला. गंभीर रितेशला तत्काळ जीएमसीत अधिक उपचारासाठी दाखल करण्यात आले.