काणका - म्हापसा येथून एक धक्कादायक घटना समोर आली आहे. घराजवळ खेळणाऱ्या नऊ वर्षीय अल्पवयीन मुलीचे अपहरण करण्याचा प्रयत्न करण्यात आला. अल्पवयीन मुलीने आरडाओरडा केल्यानंतर स्थानिकांनी अपहरणाचा प्रयत्न उधळून लावला. याघटनेचे सीसीटीव्ही फुटेज समोर आले आहे.

मिळालेल्या अधिकच्या माहितीनुसार, काणका म्हापसा येथे घराजवळ एक नऊ वर्षीय अल्पवयीन मुलगी खेळत होती. यावेळी संशयित व्यक्तीने मुलीला काहीतरी आमिष दाखवून सोबत घेऊन जाण्याचा प्रयत्न केला. दरम्यान, अल्पवयीन मुलीने जाण्यास नकार देत आरडाओरडा केला.

यामुळे सतर्क झालेल्या स्थानिकांनी आवाजाच्या दिशेने धाव घेताच संशयिताने घटनास्थळावरुन पळ काढला. दरम्यान, या घटनेचे सीसीटीव्ही फुटेज समोर आले आहे. पोलिसांनी याप्रकरणी गुन्हा नोंद केला असून, संशयिताचा शोध घेतला जात आहे.