आपचे प्रमुख आणि दिल्लीचे मुख्यमंत्री अरविंद केजरीवाल (Arvind Kejriwal) यांनी आज मंगळवारी गोव्यात (Goa) पत्रकार परिषद घेतली. गोव्यात नोकऱ्या आणि बेरोजगारीबाबत सात नविन घोषणा त्यांनी यावेळी केल्या, गोव्यात आम आदमी पक्ष आगामी निवडणुकीत सत्ताधारी भाजप आणि काँग्रेसला टक्कर देण्याच्या तयारीत आहे.

केजरीवाल यांनी गोव्यातील जनतेला आश्वासन दिले की, आप सत्तेवर आल्यास भ्रष्ट प्रथा बंद करतील आणि राज्यातील तरुणांना सरकारी नोकऱ्यांमध्ये प्रवेश मिळवून देतील. प्रत्येक घरातून एका बेरोजगार व्यक्तीला नोकरी देण्याचे आश्वासन केजरीवाल यांनी गोवेकरांना दिले. कामाच्या शोधात असेलल्या लोकांना 3,000 बेरोजगारी भत्ता मिळेल असे ते म्हणाले. त्यांनी घोषित केले की राज्यातील 80 टक्के नोकऱ्या गोव्यातील लोकांसाठी राखीव असतील.