Pernem Police : पेडणे पोलिसांनी एका रशियन नागरिकाला परिसरात गोंधळ घातल्याबद्दल ताब्यात घेतले होते. या नागरिकाचा बांबोळीतील मानसोपचार आणि मानवी वर्तन संस्थेमध्ये नेत असताना मृत्यू झाल्याची घटना उघडकीस आली आहे.

याबाबत अधिक माहिती अशी की, पेडणे पोलिसांनी एका रशियन नागरिकाला परिसरात गोंधळ घातल्याबद्दल ताब्यात घेतले होते. त्याला पोलिसांनी सुरुवातीला तपासणीसाठी प्राथमिक आरोग्य केंद्रात नेले होते. यावेळी रशियन नागरिकाने तेथे खूप हिंसक वर्तवणूक केली होती.

त्यानंतर पीएचसीने आयपीएचबीकडे पाठवले होते. यानंतर रशियन नागरिकाला बांबोळीतील मानसोपचार आणि मानवी वर्तन संस्थेमध्ये नेत असताना त्याचा वाटेतच मृत्यू झाला.

मृत रशियन नागरिकाच्या मृतदेहाच्या शवविच्छेदनानंतर मृत्यूचे नेमके कारण स्पष्ट होईल असे पोलिस खात्याकडून सांगण्यात आले आहे.