Anjuna Crime: फुटबॉल सामन्यात रेड कार्ड दाखवल्यावरून रेफ्रीलाच धमकी दिल्याची घटना घडली आहे. या प्रकरणी रेफ्री सुनील यांनी हणजुणे पोलिसांत तक्रार दाखल केली आहे.

सुनील यांनी सेकंड डिव्हिजन लीग स्पर्धेतील हणजुणे (Anjuna) पीएसायसी विरूद्ध शापोरा युवक संघ या सामन्यात रेफ्रीची भूमिका पार पाडली होती. या सामन्यातील त्यांच्या निर्णयावरून एका गटात नाराजी होती.

त्यानंतर सुनील यांना वागातोर येथील एका अज्ञाताने जीवे मारण्याची धमकी दिली आहे. या धमकीच्या फोननंतर रेफ्री सुनील यांनी हणजुणे पोलिसांत तक्रार दाखल केली आहे. त्याअनुषंगाने पोलिस तपास करत आहेत.