न्हावेली-साखळी येथे एका जेष्ठ नागरिकाने आत्महत्या केल्याची घटना घडली आहे. ही घटना आज गुरुवारी घडली. घराच्या परिसरात आत्महत्या केल्याचे आज सकाळी उघडकीस आले. या घटनेची माहिती मिळताच पोलिस घटनास्थळी दाखल झाले. घटनेचा पंचनामा करून मृतदेह बांबोळी येथील गोमेकॉत उत्तरीय तपासणीसाठी पाठवण्यात आला.

याबाबत अधिक माहिती अशी की, भरोणीवाडा, न्हावेली-साखळी येथील कृष्णा गोपाळ गावस (वय 60) या ज्येष्ठ नागरिकाने आत्महत्या केल्याची घटना घडली आहे. आपल्या राहत्या घराच्या बाजूला असलेल्या शेडमध्ये आज (गुरुवारी) सकाळी 6.30 वाजता त्यांनी गळफास घेऊन आत्महत्या केली. आत्महत्येतेचे नेमके कारण मात्र समजू शकले नाही. या प्रकरणाची माहिती पोलिसांना दिल्यानंतर पोलिसांनी घटनेचा पंचनामा करून मृतदेह बांबोळी येथे गोमेकॉत उत्तरीय तपासणीसाठी पाठण्यात आला. संध्याकाळी मृतदेह नातेवाईकांच्या स्वाधीन केल्यानंतर न्हावेली येथील स्थानिक स्मशानभूमीत मृतदेहावर अंतिम संस्कार करण्यात आले.