Car Fell In Between A Building At Altinho: आल्तिनो येथे कारचा अपघात झाला. या अपघातात कार रस्त्याच्या कडेला असलेल्या घराच्या शेजारी कोसळली. या अपघातात कारच्या प्रथमदर्शनी भागाचे नुकसान झाले. सुदैवाने अपघातात कोणीही जखमी झाले नाही. अपघातस्थळी पोलिस दाखल झालो

मिळालेल्या माहितीनुसार, आल्तिनो येथे रस्त्याच्या कडेला उताराला महिला कार पार्क करत होती. यावेळी तिचे कारवरील नियंत्रण सुटल्याने कार रस्त्याच्या कडेला असलेल्या घराच्या शेजारी कोसळली.

अपघाताची माहिती मिळताच पोलिस घटनास्थळी दाखल होत कार क्रेनच्या सहाय्याने बाहेर काढण्यात आली. अपघातात सुदैवाने कोणीही जखमी झाले नाही.

गुरुवारी मडगावमध्ये कॉलेजच्या दोन युवतींना कारची जोरदार धडक बसली होती. या धडकेत दोघीही जबर जखमी झाल्या आहेत. युवती त्यांच्या दुचाकीवरून जात असताना वेळ्ळी येथे समोरून येणाऱ्या बोलेरो कारने त्यांच्या दुचाकीला धडक दिल्याने हा अपघात झाला. राज्यभरात वाढलेल्या अपघातांच्या घटना चिंतेची बाब बनली आहे.