Dabolim Airport: गुजरातच्या एका महिलेने दक्षिण गोव्यातील दाबोळी विमानतळावर सुरक्षा कर्मचाऱ्यांसोबत वाद घातल्याची माहिती समोर आली आहे. या प्रकरणी दाबोळी विमानतळ पोलिसांत तक्रार दाखल झाली आहे.

तिच्या विरोधात शिविगाळ आणि सुरक्षा कमचाऱ्यांच्या कामात अडथळा आणल्याचा आरोप ठेवण्यात आला आहे.

जयनी जयेश शाह (वय 31) असे या महिलेचे नाव आहे. ती मूळची जैन मंदिरासमोर एलोरा पार्क सोसायटी, चार रस्ता नारायणपुरा अहमदाबाद (गुजरात) येथील आहे. ही महिला विमानातून उतरल्यानंतर चेकिंग प्रक्रियेतून जात होती. यावेळी सीआयएसफ (CISF) जवानांकडून प्रवाशांची तपासणी केली जात होती.

यावेळी या महिलेने तपासणीला विरोध करत शिवीगाळ केल्याचा आरोप आहे. तसेच तिने चेकिंगशिवाय जाण्याचा प्रयत्न केला. कर्मचाऱ्यांनी वारंवार सांगुनही युवतीने त्यांचे काहीही ऐकले नाही. त्यांना सहकार्य करण्यास नकार दिला. पोलिस या प्रकरणी चौकशी करत आहेत.