फातोर्डा : फातोर्डा येथील कोलवा जंक्शन सर्कल जवळ रात्री सात वाजण्याच्या दरम्यान चारचाकी वाहनाला आग (fire) लागली. गाडीत असलेल्यांनी प्रसंगावधन राखून बाहेर धाव घेतल्याने ते बालंबाल बचावले. मात्र यात गाडीच नुकसान झाले आहे.

हे चारचाकी वाहन गेबी फेर्नांडीस यांच्या मालकीचे असून रात्री सात वाजण्याच्या सुमारास मडगाव येथील कोलवा सर्कल जवळ हे वाहन पोचले असता, या वाहनाने अचानक पेट घेतला यावेळी ड्राइवर सहित आणखी तिघाजणांनी प्रसंगवाधन राखून गाडीच्या बाहेर धाव घेतली आणि हे चौघे जण बालंबाल बचावले.

या आगीची माहिती मडगावच्या (Margao) अग्निशमन दलाला मिळताच दलाच्या जवानांनी आगीवर नियंत्रण आणण्याचा प्रयत्न केला असता त्यापूर्वी हे चारचाकी वाहन संपूर्ण जळून खाक झाले होते. कोलवा सर्कलच्या मोक्याच्या ठिकाणी या गाडीला आग लागल्याने येथील ठिकाणी काही वेळासाठी वाहतुकीची कोंडीही झाली होती. या दरम्यान, फातोर्डा पोलीस स्थानकाच्या पोलिसांनी वाहतूक सुरळीत करून इतर वाहनांना वाट करून दिली.