हरमल येथे एक व्यक्ती अमली पदार्थासह ग्राहकाच्या प्रतिक्षेत असताना पोलिसांनी त्याला अटक केली आहे. गोवा पोलिसांनी अमली पदार्थ पुरवठा करणाऱ्यांवर कारवाईचा धडाका कायम ठेवला असून आज पुन्हा हरमल येथे मोठी कारवाई करण्यात आली आहे.

( A drug peddler has been arrested by the ANC in Arambol )

मिळालेल्या माहितीनुसार आज कल्पेश द्विरेदी (27) हा युवक हरमल येथे दोन ते तीन प्रकारचे अमली पदार्थ विक्रीसाठी घेऊन येणार असल्याची माहिती पोलिसांना मिळाली होती. त्यानुसार पोलिसांनी सापळा रचत कल्पेश द्विरेदी (27) या मध्य प्रदेशातील युवकाला अटक केली आहे.

कारवाईदरम्यान हरमल पोलिसांनी संशयिताची तपासणी केली असता त्याच्याकडून 20.60 ग्रॅम मेथॅम्फेटामाइन, 11.45 ग्रॅम एक्स्टसी पावडर, 4.10 ग्रॅम एलएसडी द्रव आणि 50 ग्रॅम चरस जप्त केले आहेत. याची बाजारात याची किंमत सुमारे 7.45 लाख रुपये आहे.

याबाबत पोलिसांनी माहिती देताना म्हटले आहे की, संशयित हा किनारी पट्ट्यात ग्राहकांना अमली पदार्थ पुरवत होता. हे चक्र बरेच दिवस सुरु आहे. असे स्पष्ट झाले आहे. आरोपी आता गजाआड झाला असून यामागे साखळी आहे का? याचा तपास सुरु आहे. तसेच संशयितावर गुन्हा दाखल करण्याचे काम सुरु असल्याचं पोलिसांनी म्हटले आहे.