डिचोली : विहिरीत पडलेल्या वासराला जीवदान मिळालं आहे. अग्निशमन दलाच्या जवानांमुळे वासराला वाचवण्यात यश आलं आहे. आमोणे परिसरात हे वासरु एका पडक्या विहिरीत पडलं होतं. दोरीच्या साहाय्याने वाचवत वासराला जीवदान देण्यात आलं आहे. (A calf Rescued in Amona Goa News Updates)

डिचोली (Bicholim) अग्निशामक दलाच्या तत्परतेमुळे आमोणे येथे एका पडक्या विहिरीत पडलेल्या वासराला जीवदान मिळाले. सावंतवाडा-आमोणे येथील सुमारे 20 फूट खोल विहिरीत एक वासरु पडल्याचा प्रकार मंगळवारी सकाळी घडला. डिचोली अग्निशामक दलाला (Fire Brigade) घटनेची माहिती मिळताच, दलाचे अधिकारी श्रीपाद गावस यांच्यासह दलातील उपअधिकारी आणि पथकाने घटनास्थळी धाव घेतली.

शिडीच्या मदतीने जवानांनी विहिरीत उतरुन वासराला (Calf) वाचवण्याचे प्रयत्न सुरु करण्यात आले. अखेर दोरखंडाच्या मदतीने वासराला सुखरूपपणे विहिरीबाहेर काढले. वासराला बाहेर काढताना परिसरातील बघ्यांची मोठी गर्दी याठिकाणी जमली होती.