गोव्यात आज (01 ऑगस्ट) दिवसभरात 42 नवे कोरोनाबाधित आढळून आले असून, 154 जणांना डिस्चार्ज देण्यात आला आहे. आज एकाही कोरोना रूग्णाचा मृत्यू झालेला नाही. गोव्यातील सक्रिय कोरोना रूग्णांची संख्या कमी झाली असून, सध्या राज्यात 639 सक्रिय कोरोना रूग्णांवर उपचार सुरू आहेत.

आरोग्य विभागाने प्रसिद्ध केलेल्या आकडेवारीनुसार, गोव्यातील एकूण कोरोनाबाधित रूग्णांची संख्या 2 लाख 56 हजार 224 एवढी झाली आहे. त्यापैकी 2 लाख 51 हजार 622 जण यशस्वी उपचारानंतर बरे झाले आहेत. राज्याचा कोरोना रिकव्हरी रेट 98.20 टक्के एवढा झाला आहे. आज दिवसभरात 573 प्रयोगशाळा नमुने तापसले आहेत. गोव्यात आजवर 3963 कोरोना रूग्ण मृत्यूमुखी पडले आहेत.

देशात 60,171 सक्रिय कोरोना रूग्ण

देशातील सक्रिय कोरोना रूग्णांच्या संख्येत देखील मोठी घट झाली आहे. सध्या देशात 60,171 सक्रिय कोरोना रूग्णांवर उपचार सुरू आहेत.