मडगाव Margao : सर्वोच्च न्यायालयाने दिलेल्या आदेशांचे पालन करताना दक्षिण गोव्याच्या जिल्हाधिकारी (Collector) रुचिका कत्याल यांनी जिल्हा आपत्कालीन प्राधिकरणाच्या अध्यक्षा या नात्याने कोविडमुळे (covid) बळी गेलेल्यांच्या अवलंबितांना 50 हजार रु. सानुग्रह मदतीसाठी अर्ज करण्याचे आवाहन केले आहे. दक्षिण गोवा (South Goa) जिल्हाधिकारी कार्यालयाकडे अशा बळींच्या निकट वारसांकडून आतापर्यत 6868 अर्ज आलेले आहेत. त्या अर्जावर प्रक्रिया करून भरपाईची 50 हजार रु. रक्कम संबंधितांच्या बॅंक खात्यात जमा केली गेली आहे.

जिल्हाधिकाऱ्यांनी पुढे सांगितले की, समाज कल्याण खात्याकडून दोन लख रु. ची सानुग्रह मदत मिळालेल्या लाभधारकांची यादी आपल्या कार्यालयाकडे आहे. त्या खात्याच्या यादीतून सुमारे 564 लाभधारकांची निवड आतापर्यंत 50 हजार रु. रकमेच्या मदतीसाठी हातावेगळी केली आहेत.