Banking Fraud: कॅनरा बँकेचा कर्मचारी असल्याचे सांगून अज्ञाताने संगणकाच्या साहाय्याने मेरशी येथील रमेश काशिनाथ शेट्ये यांच्या बँक खात्याची माहिती मिळवून 5 लाख रुपयांना गंडा घातला. याप्रकरणी सायबर पोलिसांत ओमकुमार मिश्रा याच्याविरुद्ध गुन्हा दाखल केला आहे.

एका अज्ञात व्यक्तीने तक्रारदार शेट्ये यांना दोन वेगवेगळ्या मोबाईल क्रमांकांवरून फोन केला आणि तो कॅनरा बँकेचा कर्मचारी असल्याचे सांगितले. फसवणूक झाल्याचे लक्षात आल्यानंतर शेट्ये यांनी आलेल्या क्रमांकांवर फोन केला. त्यावेळी ज्या व्यक्तीने त्यांना मोबाईलवरून फोन केला होता, ते दोन्ही क्रमांक बंद झाले होते.

त्यांनी कॅनरा बँकेशी संपर्क साधून खातेधारकांची माहिती घेतली जात आहे का, अशी चौकशी केली असता नाही असे उत्तर अधिकृत बँक अधिकाऱ्यांनी दिले.

शहानिशा न करताच दिली संपूर्ण माहिती

कॅनरा बँक खातेधारकांच्या माहितीची पडताळणी करत आहे त्यामुळे ती द्यावी, असे अज्ञाताने सांगितले. तक्रारदाराने त्या व्यक्तीची शहानिशा न करताच बँक खात्याची सर्व माहिती दिली. ती माहिती घेऊन अज्ञाताने शेट्ये यांच्या बँक खात्यावरून इतर बँकांमधील खात्यांवर ५ लाख रुपये ट्रान्स्फर केले. जेव्हा शेट्ये यांना त्यांच्या बँक खात्यावरील पैसे ट्रान्स्फर झाल्याचे मेसेज आले.