हणजूण: सोळा वर्षीय अल्पवयीन मुलीचे अपहरण करुन बलात्कार केल्याची धक्कादायक घटना कळंगुट येथून समोर आली आहे. याप्रकरणी हणजूण पोलिसांनी ३६ वर्षीय तरुणाला अटक केली आहे. पीडितेच्या आईने याप्रकरणी दिलेल्या तक्रारीनंतर पोलिसांनी ही कारवाई केली.

पीडित अल्पवयीन मुलीने याप्रकरणी हणजूण पोलिसांत तक्रार दाखल केली आहे. महिलेच्या तक्रारीवरुन पोलिसांनी गोवा चिल्ड्रेन कायदा २००३ आणि पोक्सो कायदा २०१२ अंतर्गत गुन्हा नोंद केला आहे. मार्च २०२५ मध्ये ही घटना घडल्याचे तक्रारीत नमूद करण्यात आले आहे.

तक्रारीत दिलेल्या माहितीनुसार, संशयित आरोपीने पीडित १६ वर्षीय मुलीचे अपहरण करुन कळंगुट येथील हॉटेलमध्ये घेऊन जात जबरस्तीने बलात्कार केला. हणजूण पोलिसांनी आरोपीला अटक केली असून,अधिक तपास सुरु आहे.