Goa University: चा 33 वा पदवीदान समारंभ आज शुक्रवारी दिनांक 26 ऑगस्ट रोजी पार पडला. दोन वर्षांच्या कालावधीनंतर या दीक्षांत समारंभाताचे आयोजन करण्यात आले होते. या समारंभात 11028 पदवीधरांना पदवी प्रदान करण्यात आल्या.

(33rd graduation ceremony of Goa University concluded with enthusiasm)

1546 पदवीधरांना पदव्युत्तर पदवी आणि 67 विद्यार्थ्यांना डॉक्टरेटची पदवी प्रदान करण्यात आली. याशिवाय 149 जणांनी पदव्युत्तर पदविका प्राप्त केल्या आहेत. तसेच 71 विद्यार्थ्यांना सुवर्णपदके, 73 विद्यार्थ्यांना बक्षिसे आणि गुणवत्ता शिष्यवृत्ती मिळाल्या या दैदिप्यमान यशाने विद्यार्थ्यांनी जणू विद्यापीठाची मान अभिमानाने उंचावली आहे.

या कार्यक्रमास न्यायालयाचे सदस्य आणि गोवा विध्यापिठाच्या इतर संस्था, डीन, प्राध्यापक, महाविद्यालयांचे प्राचार्य, पदवी प्राप्तकर्ते, पुरस्कार विजेते, पालक, विद्यार्थी आदी मान्यवर उपस्थित होते. कार्यक्रमाच्या आरंभी गोवा विध्यापिठाचे कुलगुरू, प्रा. हरिलाल बी. मेनन यांनी आपल्या स्वागतपर भाषणात या संमारंभास उपस्थितांना संबोधित केले.

यावेळी ते बोलताना मेनन म्हणाले की, जीवनात ध्येय गाठताना कौशल्य आत्मसात केलेल्यास ध्येयापर्यंत पोहोचण्याचा प्रवास अधिक सोपा होतो. म्हणून ध्येय गाठण्यासाठी आपण त्यासाठीची कौशल्य ही आत्मसात केली पाहिजेत असे ते म्हणाले. या कार्यक्रमास उपस्थित विद्यार्थी, पालक, विविध क्षेत्रातील तज्ज्ञ यांनी ही या कार्यक्रमास हजेरी लावली.

मेनन यांनी गोवा विद्यापीठाच्या कामगिरीबाबत बोलताना सांगितले की, गोव्यातील विद्यार्थ्यांचे कौशल्य वाढविण्यासाठी सर्व उद्योग संघटना, चेंबर्स ऑफ कॉमर्स आणि कॉर्पोरेट संस्थांसोबत काम करण्यासाठी सुरु असलेल्या कार्य लक्षणिय आहे. तसेच भारत सरकारच्या 'उन्नत भारत अभियान' अंतर्गत गोवा विध्यापिठाने उत्तर गोव्यातील तीन गावे आणि दक्षिण गोव्यातील दोन गावे दत्तक घेतली आहेत. याच कौतूक माहिती दिली आणि या भागातील रहिवाशांना लाभ मिळवून देणारे सागरी शेती उपक्रम यासारखे उपक्रम करीत असल्याचे सांगितले.

या कार्यक्रमास गोव्याचे राज्यपाल पी. एस. श्रीधरन पिल्लई, मुख्यमंत्री डॉ. प्रमोद सावंत तसेच कुलगुरू, हरिलाल मेनन यांनी राजभवन, डोना पॉला येथे विद्यापीठाच्या दीक्षांत समारंभाला हजेरी लावली. शिक्षण सचिव श्री. रवी धवन, आयएएस, प्रधान सचिव (वित्त) डॉ. व्ही. कॅंडवेलू, आयएएस, आमदार श्री. गणेश गावकर आदी उपस्थित होते.विद्यापीठातील इतर मान्यवर उपस्थित होते.