कुंकळ्ळी: येथे हिट अँड रनची घटना उघडकीस आली आहे. अज्ञात वाहनाने दिलेल्या धडकेत ३२ वर्षीय तरुणाचा मृत्यू झाला आहे. राष्ट्रीय महामार्ग १७ वर हा अपघात झाला. रस्ता खूप अरुंद असल्याने अपघात झाल्याचे स्थानिकांनी म्हटले आहे.

संंतोष नाईक (वय ३२, रा. कुंकळ्ळी) असे या अपघातात मृत्यू झालेल्या तरुणाचे नाव आहे.

मिळालेल्या माहितीनुसार, संतोष पायी चालत घरी जात असताना एका भरधाव वाहनाने जोराची धडक दिल्याने त्याचा मृत्यू झाला. कुंकळ्ळी पोलिसांनी घटनास्थळी दाखल होत घटनेचा पंचनामा केला. अज्ञात वाहनाची ओळख अद्याप पटली नसून, पोलिस अधिक तपास करतायेत.

स्थानिकांकडून बायपास मार्गाची मागणी

अपघातानंतर कुंकळ्ळी स्थानिकांनी घटनास्थळी दाखल होत गर्दी केली. राष्ट्रीय महामार्ग १७ खूप अरुंद असल्याने हा अपघात झाल्याचे मत स्थानिकांनी नोंदवले. दरदिवशी या ठिकाणी अपघात होतो असे म्हणत, या महामार्गाला बायपास मार्ग निर्माण करण्याची मागणी स्थानिकांनी केली आहे.