मडगाव : आपल्या आईला डोळ्यांच्या डॉक्टरकडे तपासणीसाठी नेऊन नंतर वेर्णा येथे कामाला जात असताना बसने धडक दिल्याने एका जोसेफ फेरेरा (२७) या युवकाचा दुर्दैवी मृत्यू झाला. तो बोर्डा येथील रहिवासी आहे.

सोमवारी ७.३० वा.च्या सकाळी दरम्यान मडगावच्या आबाद फारिया मार्गावर हा अपघात घडला. जोसेफ हा वेर्णा येथे औद्योगिक वसाहतीतील एका कंपनीत कामाला होता. त्याच्या वडिलांचे एका वर्षांपूर्वी निधन झाले होते. दोन भाऊ व एक बहीण असा परिवार आहे.

आईला डोळ्यांच्या डॉक्टरकडे तपासणीसाठी नेऊन तिला तेथे ठेवून तो दुचाकीवरून कामाच्या ठिकाणी जात असताना ओव्हरटेक करणाऱ्या एका बसने त्याला ठोकर दिली. यात तो गंभीर जखमी झाला. त्याने डोक्यावर हेल्मेटही घातले होते. जखमी स्थितीत त्याला सुरवातीला दक्षिण गोवा जिल्हा इस्पितळात नेले.

मात्र, प्रकृती चिंताजनक असल्याने नंतर त्याला गोमेकॉत हलविले असता, अपघाताची माहिती मिळाल्यानंतर मडगाव पोलिसांनी घटनास्थळी जाऊन पंचनामा केला. पुढील तपास सुरू असल्याची माहिती पोलिस निरीक्षक तुळशीदास नाईक यांनी दिली.