राज्यात अपघातांचे सत्र सुरुच आहे. वाळपई येथे एका दुचाकीचा स्वयंअपघात झाल्याची घटना घडली आहे. या अपघातात दुचाकीचालकाचा जागीच मृत्यु झाला आहे. अपघाताची माहिती मिळताच पोलिस घटनास्थळी दाखल झाले.

याबाबत अधिक माहिती अशी की, वाळपई नागरगाव येथे एका दुचाकीचा अपघात झाल्याची घटना घडली. या अपघातात दुचाकीचे मोठ्या प्रमाणात नुकसान झाले असून दुचाकीचालकाचा जागीच मृत्यु झाला. 23 वर्षीय युवकाचे दुचाकीवरील नियंत्रण सुटल्याने हा अपघात घडला असावा असा अंदाज वर्तविण्यात येत आहे. रवी दोडामणी (23) रा. ओल्ड गोवा असे मृत युवकाचे नाव आहे.