गेल्या दोन दिवसांपासून सुरू ​असलेल्या पावसाने राज्यातील दोन धरणांनी ५० टक्के पाणीसाठा ओलांडला आहे. चापोली धरण ५१ टक्के तर गावणे धरण ६४ टक्के भरले आहे.

राज्यात पावसाचा जोर कायम आहे. त्यामुळे गावणे धरणात ६४ टक्के पाणीसाठा झाल्याचे जलसंपदा विभागाच्या अधिकृत संकेतस्थळावर नमूद करण्यात आले आहे.

चापोली धरण ५१ टक्के भरले आहे. साळवली धरण ४६ टक्के, आमठाणे धरण ४५ टक्के, पंचवाडी धरण २९ टक्के आणि हणजूण धरण २० टक्के पाणीसाठा घेऊन आहे.

सध्या साळवली धरणाची पातळी ३४.१२ मीटर, हणजूण धरण ७४.८८ मीटर, चापोली धरण ३२.५० मीटर, आमठाणे धरण ४५.२५ मीटर आहे.