Goa News

आगामी लोकसभा निवडणुकीपूर्वी मुरगाव तालुक्यातील वेश्याव्यवसाय करणाऱ्या 12 महिलांना मतदानाचा अधिकार मिळाला आहे. 27 अर्जदारांपैकी, 12 महिलांना मतदार यादीत स्थान मिळाले आहे.

अन्याय रहित जिंदगी (ARZ) च्या कायदेशीर सल्लागार, अश्लेषा तांडेल यांच्या सहकार्यातून महिलांना मतदानाचा अधिकार मिळण्यास मदत झालीय. तांडेल यांनी या महिलांना अर्ज दाखल करण्यासह कागदपत्र खरेदी करण्यात मदत केली.

ARZ चे संस्थापक अरुण पांडे यांनी वेश्याव्यवसाय करणाऱ्या महिलांना कागदपत्रे सादर करण्यात येणाऱ्या अडचणींवर प्रकाश टाकला. निवडणूक आयोग (ECI) आणि केंद्र सरकारकडून अशा महिलांना कागपत्रांबाबत सवलत मिळावी, असे आवाहन यावेळी केले.

मतदार यादीत समाविष्ट होऊ न शकलेल्या 15 महिलांना कागदपत्रांसंबधित विविध समस्यांचा सामना करावा लागला. मतदानाचा हक्क नाकारणे म्हणजे एखाद्याची प्रतिष्ठा नाकारण्यासारखे आहे, असे पांडे म्हणाले.

12 सेक्स वर्कर्समध्ये, पाच प्रथम मतदार असून, सात महिलांना बायणा येथे त्यांच्या झोपड्या पाडल्यानंतर नोंदणी समस्यांना सामोरे जावे लागले.

वेश्याव्यवसायातील महिलांना मतदानाबाबत जागृत करणे हा ARZ द्वारे आयोजित शैक्षणिक शिबिराचा उद्देश होता. मतदानाच्या हक्कामुळे वेश्याव्यवसायिकांना सरकारी योजनांचा लाभ घेता येऊ शकतो, असे यावेळी नमूद करण्यात आले.

यापूर्वी, 2022 च्या विधानसभा निवडणुकीदरम्यान ARZ च्या माध्यामातून 40 वेश्याव्यवसायातील महिला आणि 28 ट्रान्सजेंडर व्यक्तींची मतदार नोंदणी केली होती.