पणजी: येत्या वर्षभरात श्रमधाम संकल्पनेतून १०० घरांची बांधणी राज्यभरात केली जाईल. प्रत्येक घरामागे १०० या प्रमाणे १० हजार ‘श्रमधाम’ योद्ध्यांना जोडण्यात येईल, अशी घोषणा मंत्री रमेश तवडकर यांनी आज येथे केली.

बलराम चॅरिटेबल फाऊंडेशनच्या माध्यमातून ‘श्रमधाम’ संकल्पनेतून बांधलेल्या ३० घरांच्या चाव्या लाभार्थ्यांना देण्याचा कार्यक्रम कला अकादमीचा सभागृहात झाला.

त्यावेळी ते बोलत होते. यावेळी मंचावर केंद्रीय आदिवासी कल्याण राज्यमंत्री दुर्गादास उईके, आमदार दाजी साळकर, प्रेमेंद्र शेट, माजी आमदार दयानंद सोपटे, उत्तर गोवा जिल्हा पंचायत अध्यक्ष धाकू मडकईकर, भाजपचे दक्षिण गोवा जिल्हाध्यक्ष प्रभाकर गावकर, कला अकादमीचे सदस्य सचिव शंकर गावकर व पैंगीणच्या सरपंच सविता तवडकर होत्या. तवडकर म्हणाले, पुढेमागे राज्याचे मुख्य सचिवही ‘श्रमधाम योद्धा’ म्हणून वावरताना दिसतील.

मदत करणाऱ्यांचा सत्कार

यावेळी घर बांधण्यासाठी मदत केलेल्या केशव प्रभू, प्रशांत पागी, संजय सातार्डेकर, संगम कुराडे, नवल नाईक, रवींद्र रुणावत यांचा गौरव करण्यात आला.