Margao Mini Bus Accident: पकडापकडी खेळताना अचानक मिनीबसखाली आल्याने एका 10 वर्षीय चिमुरडीचा दुर्दैवी मृत्यू झाल्याची घटना समोर आली आहे. मडगावजवळ पाजिफोंड येथे हा अपघात झाला.

अमीनाखातुन अन्सारी असे मृत मुलीचे नाव आहे. ती मूळची गुजरातची आहे. उदरनिर्वाहासाठी अमिनाचे कुटूंब कालच गोव्यात आल्याचे कळते. लहान भाऊ आणि इतरांसह खेळताना अमिनाखातुन मिनीबसच्या चाकात सापडली.

तिला तत्काळ उपचारासाठी दक्षिण गोवा जिल्हा इस्पितळात दाखल केले गेले. पण डॉक्टरांनी तिला मृत घोषित केले. तिचा भाऊदेखील मिनीबसच्या खाली अडकला होता, मात्र सुदैवाने तो सुखरूप आहे.