Goa Corona Update : गोव्यातील कोरोना रुग्णसंख्येत मागील काही दिवसांमध्ये घट होताना दिसत आहे. काही दिवसांपूर्वी या कोरोना रुग्णसंख्येने (Corona Patient) उच्चांक गाठत गोवेकरांच्या भीतीत भर घातली होती. पण आता हळूहळू ही संख्या कमी होताना दिसत आहे. एकीकडे रुग्णसंख्या कमी होत आहे, मात्र मृतांच्या (Corona Death) संख्येत काहीशी वाढ झाली आहे. आज एकूण 1219 जणांना कोरोनाची लागण झाली आहे. तसेच दिवसभरात 10 जणांचा कोरोनामुळे मृत्यू झाला आहे. (Latest Goa Corona News Updates)

कोविडने गेल्या 24 तासात आणखी 10 जणांचा बळी घेतला असून त्यामुळे राज्यातील एकूण मृतांची संख्या 3675 वर पोहोचली आहे. 10 मृतांपैकी 8 जणांना म्हणजे जवळपास 80% रुग्णांना कोविडचे लसीकरण करण्यात आले नव्हते. रुग्णालयात दाखल केल्यानंतर 24 तासांत चार जणांचा मृत्यू झाला. गोव्यात गेल्या 3 दिवसांत कोविडमुळे मृत्यूमुखी पडलेल्यांची संख्या वाढत आहे. काल 20 लोकांचा कोविडमुळे मृत्यू झाला होता तर आदल्या दिवशी ही संख्या 15 वर होती.