२०२५ च्या आशिया कप दरम्यान भारतीय स्टार ऑलराउंडरने एक मोठा निर्णय घेतला आहे. सुंदरने काउंटी चॅम्पियनशिपमध्ये भाग घेण्याचा निर्णय घेतला आहे. तो भारत आणि वेस्ट इंडिज यांच्यातील कसोटी मालिकेपूर्वी काउंटी चॅम्पियनशिपमध्ये भाग घेईल. सुंदरने अलीकडेच इंग्लंडविरुद्ध खेळल्या गेलेल्या ५ सामन्यांच्या कसोटी मालिकेत धमाल केली. त्याने फलंदाजी आणि गोलंदाजीनं अनेकदा सामन्याचा रंग बदलला.

सुंदरने हॅम्पशायरसाठी २ काउंटी सामने खेळण्याचा निर्णय घेतला आहे, जो घरच्या कसोटी हंगामासाठी खूप चांगली तयारी आहे. वेस्ट इंडिजविरुद्धच्या कसोटी मालिकेसाठी तो त्याची तयारी पूर्ण करू इच्छितो. सुंदरला पुन्हा एकदा भारतीय कसोटी संघात संधी मिळण्याची अपेक्षा आहे.

आर. अश्विनच्या निवृत्तीनंतर, सुंदरला टीम इंडियामध्ये कायमचे स्थान मिळवण्याची चांगली संधी आहे. इंग्लंडमध्ये धमाकेदार कामगिरी केल्यानंतर, आता स्टार खेळाडू काउंटीमध्ये चमत्कार करण्यास सज्ज आहेत. सुंदरने त्याच्या काउंटी संघातही बदल केले आहेत. हॅम्पशायरपूर्वी, तो २०२२ मध्ये लँकेशायरकडून खेळला आहे. पण २०२५ मध्ये तो आता हॅम्पशायरकडून खेळेल.

हॅम्पशायरचे क्रिकेट संचालक जाइल्स व्हाईट यांनी वॉशिंग्टन सुंदर संघात सामील झाल्याबद्दल आनंद व्यक्त केला आहे. त्यांनी सांगितले की, काउंटी चॅम्पियनशिपसाठी वॉशिंग्टनला क्लबमध्ये आणताना आम्हाला खूप आनंद होत आहे. या उन्हाळ्यात इंग्लंडविरुद्ध त्याची मालिका उत्तम राहिली आणि तो सोमरसेट आणि सरेविरुद्धच्या आगामी दोन मोठ्या सामन्यांमध्ये महत्त्वाची भूमिका बजावेल.

सुंदरने इंग्लंडविरुद्ध धमाल केली. त्याने ४ सामन्यात १ शतकासह २८४ धावा केल्या आणि ७ विकेट्सही घेतल्या. आतापर्यंत त्याने भारतासाठी १३ कसोटी सामन्यांमध्ये ४४.२ च्या सरासरीने ७५२ धावा केल्या आहेत. याशिवाय त्याने ५०.६ च्या सरासरीने ३२ विकेट्सही घेतल्या आहेत.