पणजी: गोव्याच्या प्रभावी गोलंदाजीला समर्थपणे तोंड देत बडोद्याच्या १९ वर्षांखालील मुलांच्या संघाने शनिवारी गोव्यावर दोन विकेट व पाच चेंडू राखून विजय मिळविला. विनू मांकड करंडक क्रिकेट स्पर्धेच्या एलिट अ गटातील एकदिवसीय सामना हरियानातील लाहली येथील चौधरी बन्सी लाल क्रिकेट स्टेडियमवर झाला.

प्रथम फलंदाजीचे आमंत्रण मिळाल्यानंतर गोव्याला १७६ धावा करता आल्या. शंतनू नेवगी (८० धावा, ९९ चेंडू, ५ चौकार, २ षटकार) व दिशांक मिस्कीन (५१ धावा, ९१ चेंडू, १ चौकार, १ षटकार) यांनी अर्धशतके नोंदविताना चौथ्या विकेटसाठी १०९ धावांची भागीदारी केली.

त्यामुळे गोव्याला थोडेफार सावरता आले. नंतर गोव्याच्या गोलंदाजांनी आटोकाट प्रयत्न केले; पण संरक्षणासाठी पुरेशा धावा नसल्यामुळे पराभवाचा सामना करावा लागला, तरीही त्यांनी बडोद्याचे आठ फलंदाज ४९.१ षटकांत बाद केले.

संक्षिप्त धावफलक

गोवा : ४७.३ षटकांत सर्वबाद १७६ (आदित्य कोटा २, आराध्य गोयल ४, शंतनू नेवगी ८०, यश कसवणकर ८, दिशांक मिस्कीन ५१, प्रियांशु वर्मा ३, वेदांत डब्राल ९, व्यंकट ०, समर्थ राणे ०, शिवेन बोरकर नाबाद ३, पीयूष देविदास ०, अमाहिदा २-१४, गौरव ३-२९, पियुष यादव ४-१४) पराभूत वि. बडोदा : ४९.१ षटकांत ८ बाद १७८ (स्मित राठवा ३१, प्रियांशु जाधव २३, हेत पटेल नाबाद नाबाद २९, समर्थ राणे १०-०-३८-१, व्यंकट १०-०-४८-३, पीयूष देविदास ९.१-१-३७-२, शिवेन बोरकर १०-०-३१-१, यश कसवणकर १०-२-२२-१).