Sub Junior Boys and Girls National Boxing Championship 2024

पणजी: उत्तर प्रदेशमधील नोएडा येथे झालेल्या खुल्या प्रज्ञाशोध सबज्युनियर-ज्युनियर बॉक्सिंग स्पर्धेत गोव्यातील भारतीय क्रीडा प्राधिकरणाच्या (साई) तिघींनी पदके जिंकली. यामध्ये एक सुवर्ण व दोन ब्राँझपदकांचा समावेश आहे.

ज्युनियर मुलींच्या ४६ किलो वजनगटात गोव्याची सुमन पाटील हिने सुवर्णपदक जिंकले. तिने अंतिम लढत ५ः० फरकाने जिंकली. ज्युनियर मुलींच्या ४२ किलो वजनगटात उपांत्य फेरीत पराभूत झाल्यामुळे सावी ताडेलकर हिला ब्राँझपदकावर समाधान मानावे लागले. सबज्युनियर मुलींची रुची दिवारकर उपांत्य फेरीत हरल्यामुळे ब्राँझपदकाची मानकरी ठरली

सुवर्णपदक विजेती सुमन, तसेच ब्राँझपदक विजेत्या सावी व रुची गोव्यातील साई हॉस्टेलच्या प्रशिक्षणार्थी आहेत. पदक विजेत्या बॉक्सरचे गोवा हौशी बॉक्सिंग संघटनेचे अध्यक्ष फ्रान्सिस व्हिएगस यांनी अभिनंदन केले आहे.