Professional League FC Goa Dempo Club Win

पणजी: गोवा प्रोफेशनल लीग फुटबॉल स्पर्धेत धेंपो स्पोर्टस क्लबने चर्चिल ब्रदर्सवर २-१ फरकाने मात केली. सामना शनिवारी एला-जुने गोवे येथील धेंपो अकादमी मैदानावर झाला. म्हापसा येथील धुळेर स्टेडियमवर एफसी गोवाने जीनो एफसीला हरवले.

धेंपो क्लबसाठी मेवन डायस याने अनुक्रमे आठव्या व ३८व्या मिनिटास नोंदविले. चर्चिल ब्रदर्सची पिछाडी हाओकिप याने ९०+२व्या मिनिटास कमी केली. धेंपो क्लबचा हा नऊ सामन्यांतील सातवा विजय असून २१ गुणांसह त्यांनी दुसऱ्या क्रमांकावर उडी घेतली आहे. चर्चिल ब्रदर्सला सातवा पराभव पत्करावा लागला. नऊ लढतीनंतर सहा गुण कायम राहिले.

एफसी गोवाच्या जोव्हियल डायस याने दोन (१३ व ६१वे मिनिट), शेख ईस्माईल याने ४९व्या मिनिटास एक गोल केला. एफसी गोवाचा हा नऊ सामन्यांतील चौथा विजय असून त्यांचे १२ गुण झाले आहेत. जीनो एफसीचे दुसऱ्या पराभवामुळे नऊ लढतीनंतर त्यांचे १९ गुण कायम राहिले.