Kerala Defeated Goa Dainik Gomantak
गोंयचें खेळामळ

Santosh Trophy: चुरशीच्या लढतीत गोवा हारला! केरळने मारली बाजी; नोंदवला निसटता विजय

Kerala Defeated Goa: गतउपविजेत्या गोव्याला ७८व्या संतोष करंडक राष्ट्रीय सीनियर पुरुष फुटबॉल स्पर्धेत रविवारी सलामीच्या लढतीत निसटत्या पराभवास सामोरे जावे लागले.

गोमन्तक डिजिटल टीम

पणजी: गतउपविजेत्या गोव्याला ७८व्या संतोष करंडक राष्ट्रीय सीनियर पुरुष फुटबॉल स्पर्धेत रविवारी सलामीच्या लढतीत निसटत्या पराभवास सामोरे जावे लागले. हैदराबाद येथील डेक्कन अरेनावर ‘ब’ गटातील चुरशीच्या लढतीत त्यांना केरळने ४-३ फरकाने हरविले.

सामन्यात माजी विजेत्या गोव्याची सुरवात आश्वासक होती. दुसऱ्याच मिनिटात नायजेल फर्नांडिस याने गोव्याला आघाडी मिळवून दिली. केरळने (Kerala) नंतर जोरदार मुसंडी मारत ३३ मिनिटांच्या खेळात ३-१ असे वर्चस्व प्रस्थापित केले. त्यांच्यासाठी १६व्या मिनिटास मुहम्मद रियास याने, २७व्या मिनिटास मुहम्मद अजसाल याने, तर ३३ व्या मिनिटास नसीब रहमान याने गोल केला. उत्तरार्धातील खेळ सुरू झाल्यानंतर केरळने आणखी एक गोल केला. ६९ व्या मिनिटात ख्रिस्ती डेव्हिस याने अचूक नेम साधल्यामुळे केरळची स्थिती आणखी बळकट झाली.

सामन्यातील अखेरची १२ मिनिटे शिल्लक असताना गोव्याने (Goa) जोरदार प्रतिकार केला. शुबर्ट परेरा याच्या दोन गोलमुळे गोव्याला पिछाडी ३-४ अशी कमी करता आली. शुबर्ट याने अनुक्रमे ७८ व ८६ व्या मिनिटात प्रत्येकी एक गोल केला. तो सामन्याच्या ४१ व्या मिनिटात बदली खेळाडू या नात्याने मैदानात उतरला होता. गोव्याने नंतर बरोबरीसाठी आटोकाट प्रयत्न केले, पण त्यांना सफलता मिळाली नाही. गोव्याचा ब गटातील पुढील सामना १७ डिसेंबर रोजी ओडिशाविरुद्ध खेळला जाईल. या गटात रविवारी झालेल्या अन्य एका सामन्यात तमिळनाडू व मेघालय यांच्यात २-२ अशी गोलबरोबरी झाली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

SCROLL FOR NEXT