पणजी: गोमंतकीय बुद्धिबळातील ‘वंडर बॉय’ एथन वाझ याने श्रीलंकेत झालेल्या राष्ट्रकुल बुद्धिबळ स्पर्धेत सुवर्णपदक जिंकले. सबज्युनियर (१६ वर्षांखालील) खुल्या गटात तो अव्वल ठरला.
एथनचे हे राष्ट्रकुल बुद्धिबळातील दुसरे सुवर्णपदक आहे. वयाच्या ११ व्या वर्षी त्याने दोन वर्षांपूर्वी १२ वर्षांखालील वयोगटात विजेतेपद पटकावले होते.
यंदा एथन वाझ हा १४ वर्षांखालील वयोगटात खेळण्यास पात्र होता; पण या १३ वर्षीय हरहुन्नरी बुद्धिबळपटूने १६ वर्षांखालील वयोगटात अनुभवी प्रतिस्पर्ध्यांना आव्हान देण्याचे ठरविले आणि त्यात तो सफल ठरला.
तीन सप्टेंबर रोजी एथनने १३ वा वाढदिवस साजरा केला. दोन दिवसांनंतर गुरुवारी त्याने राष्ट्रकुल स्पर्धेत सुवर्णपदक जिंकले. त्याच्यासाठी ही वाढदिवसाची छान भेट ठरली.
यावर्षी जानेवारीच्या प्रारंभी एथन गोव्याचा बुद्धिबळातील सर्वांत युवा आयएम (इंटरनॅशनल मास्टर) बनला. १२ वर्षे आणि ४ महिन्यांचा असताना त्याने बुडापेस्ट-हंगेरी येथे झालेल्या आंतरराष्ट्रीय स्पर्धेत आयएम किताबासाठी आवश्यक असलेला तिसरा नॉर्म प्राप्त केला. एकंदरित तो गोव्याचा आठवा आयएम बुद्धिबळपटू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.