गोव्याच्या सीनियर महिला क्रिकेट संघाने टी-20 क्रिकेट स्पर्धेत विजयी घोडदौड राखताना शुक्रवारी अ गटात मिझोरामवर 92 धावांनी दणदणीत विजय नोंदवला. सामना बडोदा येथील कोटांबी स्टेडियमवर झाला.
गोव्याने प्रथम फलंदाजी करताना निर्धारित 20 षटकांत 5 बाद 149 धावा केल्या. कर्णधार संजुला नाईक आणि श्रेया परब यांनी संघाला 75 धावांची भक्कम सलामी दिली. दोघींनीही आक्रमक फलंदाजी केली. संजुलाने 60 चेंडूंत आठ चौकारांसह 68 धावा केल्या, तर श्रेया हिने 35 चेंडूंत सात चौकारांच्या मदतीने 41 धावा नोंदविल्या. उत्तरादाखल गोव्याच्या प्रभावी गोलंदाजीसमोर मिझोरामला 9 बाद 57 धावाच करता आल्या. गोव्याने स्पर्धेतील पहिल्या लढतीत जम्मू-काश्मीरला आठ विकेट राखून हरविले होते. त्यांचा पुढील सामना 20 रोजी मुंबईविरुद्ध होईल.
गोवा: 20 षटकांत 5 बाद 149 (संजुला नाईक 68, श्रेया परब 41, पूर्वजा वेर्लेकर 16, तरन्नुम पठाण 12, शिखा पांडे 0, तेजस्विनी दुर्गड नाबाद 9, प्रीती यादव नाबाद 1, मामी 2-0-22-2) वि. वि. मिझोराम: 20 षटकांत 9 बाद 57 (तरंग झा नाबाद 19, शिखा पांडे 4-1-9-1, तरन्नुम पठाण 4-0-17-3, प्रीती यादव 4-1-7-1, सुनंदा येत्रेकर 4-1-10-1, पूर्वा भाईडकर 4-0-13-2).
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.