Goa vs Gujarat Dainik Gomantak
गोंयचें खेळामळ

Goa vs Gujarat: अभिनव- सुयश अन् दर्शनचा धूमधडाका! गोव्यानं मारलं मैदान; 8 विकेट्सने गुजरातचा पराभव

Goa vs Gujarat Cricket Match: कर्नाटक राज्य क्रिकेट संघटनेच्या (केएससीए) डॉ. कॅप्टन के. थिम्माप्पिया स्मृती क्रिकेट स्पर्धेतील हा विजय गोव्यासाठी रणजी स्पर्धेपूर्वी मनोबल उंचावणारा ठरला.

गोमंतक ऑनलाईन टीम

पणजी: विजयासाठी १५१ धावांचे आव्हान स्वीकारल्यानंतर गोव्यासाठी कर्णधार अभिनव तेजराणा (नाबाद ६९) व सुयश प्रभुदेसाई (६१) यांची अर्धशतके, तसेच त्यांनी दुसऱ्या विकेटसाठी केलेली ११० धावांची भागीदारी बुधवारी निर्णायक ठरली. त्या जोरावर त्यांनी गुजरातवर आठ विकेट्स राखून दणदणीत विजय मिळविला.

कर्नाटक राज्य क्रिकेट संघटनेच्या (केएससीए) डॉ. कॅप्टन के. थिम्माप्पिया स्मृती क्रिकेट स्पर्धेतील हा विजय गोव्यासाठी रणजी स्पर्धेपूर्वी मनोबल उंचावणारा ठरला. अगोदरच्या लढतीत केएससीए अध्यक्षीय व विदर्भाविरुद्ध गोव्याला विजय थोडक्यात हुकला होता. गुजरातविरुद्धचा चार दिवसीय सामना बंगळूर येथील बाळ गंगाधरनाथ स्वामी शाळा मैदानावर झाला.

गोव्याने गुजरातचा दुसरा डाव बुधवारी सकाळी ६ बाद २४६ वरून २८७ धावांत गुंडाळला. गोव्याचा डावखुरा फिरकी गोलंदाज दर्शन मिसाळ (४-६९) परिणामकारक ठरला. गुजरातला एकूण १५० धावांची आघाडी मिळाली. सुयश व अभिनव यांच्या आक्रमक फलंदाजीच्या बळावर गोव्याने २४.५ षटकांतच विजयाची औपचारिकता पूर्ण करताना २ बाद १५३ धावा केल्या.

सुयशने ४८ चेंडूंतील खेळीत सहा चौकार व चार षटकार मारले, अभिनवने नाबाद खेळीत ८१ चेंडूंचा सामना करताना नऊ चौकार लगावले. सुयशसोबतच्या शतकी भागीदारीव्यतिरिक्त अभिनवने दीपराज गावकर (नाबाद ९) याच्यासमवेत तिसऱ्या विकेटसाठी ४१ धावांची अभेद्य भागीदारी रचली. अभिनवने पहिल्या डावातही ८० धावांची खेळी केली होती.

संक्षिप्त धावफलक : गुजरात, पहिला डाव : २४९ व दुसरा डाव : सर्वबाद २८७ (जयमीत पटेल ६३, सनप्रीत बग्गा ३४, शुभम तारी ५-०-२३-०, ललित यादव २४-३-५८-२, फेलिक्स आलेमाव २-०-२०-०, दर्शन मिसाळ १५.३-१-६९-४, दीपराज गावकर ३-०-१३-०, मोहित रेडकर ६-०-२७-०, यश कसवणकर १६-१-६७-३, अभिनव तेजराणा १-०-४-१) पराभूत वि. गोवा, पहिला डाव : ३८६ व दुसरा डाव : २४.५ षटकांत २ बाद १५३ (सुयश प्रभुदेसाई ६१, मंथन खुटकर ०, अभिनव तेजराणा नाबाद ६९, दीपराज गावकर नाबाद ९).

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Bird Flu Vaccine: बर्ड फ्लूविरुद्ध भारताने बनवली स्वदेशी लस; 20 नोव्हेंबरला होणार लाँच

Quad Summit 2026: 'क्वाड' हिंद-प्रशांतचा विश्वासार्ह भागीदार; मोदींचा सागरी सुरक्षा, तंत्रज्ञान अन् सहकार्यावर भर

ICC ODI Batting Rankings: वनडे रँकिंगमध्ये मोठा फेरबदल! शुभमन गिल आणि विराट कोहलीची बादशाहत कायम, रोहित-श्रेयसला झटका

Kendra Drishti Yog 2026: भाग्य उजळणार संयोग! सूर्य-गुरुच्या केंद्र दृष्टीने 5 राशींना मिळणार अफाट संपत्ती; आर्थिक लाभाची पर्वणी

IPL Auction Date: BCCI कडून IPL 2027 ऑक्शनची तारीख जाहीर, 16 डिसेंबरला गोव्यात खेळाडूंवर लागणार कोटींची बोली; पैशांचा पडणार पाऊस

SCROLL FOR NEXT