मुंबई: पाच हजार रुपये घेऊन मित्रांसोबत गोव्यात आलो. पण, इकडे-तिकडे पैसे खर्च झाले. आणि घरी येताना हॉटेलचे बिल द्यायला खिशात पैसे नव्हते. अखेर मोबईल विकावा लागला, असा अनुभव अभिनेता विक्रांत मॅस्सीने शेअर केला. विक्रांत एका खासगी Youtube Channel ला दिलेल्या मुलाखतीत बोलत होता.
विक्रांत मॅस्सी त्याच्या आगामी साबरमती रिपोर्ट या चित्रपटाच्या निमित्ताने विविध ठिकाणी प्रमोशनसाठी हजेरी लावत असतो. नुकतेच त्याने कर्ली टेल्स नावाच्या एका Youtube Channel ला मुलाखत दिली. विक्रांत 12th Fail या सिनेमामुळे प्रसिद्धीच्या झोतात आला होता. अभिनेता होण्यापूर्वी विक्रांतला मानसिक आणि आर्थिक स्तरावर खूप त्रास सहन करावा लागला.
कर्ली टेल्सच्या मुलाखतीत विक्रांतने त्याच्या मित्रांसोबतच्या गोवा ट्रीपमधला किस्सा सांगितला. विक्रांत म्हणाला, "मी नुकतेच कमवायला लागलो होतो. माझ्याजवळ पाच हजार रुपये होते. Volvo Bus ने मित्रांसोबत गोव्याला गेलो. गोव्यात गेल्यानंतर मी खर्च कसा करायचे याचे गणित मांडले. पण, इकडे - तिकडे पैसे खर्च झाले आणि येताना माझ्याजवळ पैसेच उरले नाहीत."
"हॉटेल आणि मुंबई परत यायला तिकिट खरेदी करण्यासाठी देखील पैसे शिल्लक नव्हते. अखेर मला मोबाईल विकावा लागला आणि त्यानंतर हॉटेल बिल भागवून आणि उरलेल्या पैशातून मी मुंबईचे तिकिट खरेदी केले", असे विक्रांतने मुलाखतीत सांगितले.
दरम्यान, विक्रांतला स्टारडम मिळण्यापूर्वी तसेच अभिनयातून उत्तम कमाई होण्यापूर्वी आर्थिक स्थैर्य नव्हते. पैसा कमविण्यासाठी त्याला फार कष्ट आणि मेहनत करावी लागली, याचा त्यांने विविध मुलाखतीतून वारंवार उल्लेख केला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.