बॉलिवूड अभिनेत्री आणि कॉमेडियन जॅमी लिव्हरचा सध्या बाली येथील एक व्हिडिओ व्हायरल होत आहे. समुद्रकिनारा, फ्ली मार्केट, डॉल्फीन, नारळपाणी हे सगळं तर गोव्यात देखील आहे. मग, बालीत असं काय आहे? असा व्हिडिओ सध्या सोशल मिडियावर चांगलाच व्हायरल होत आहे.

जॅमी लिव्हर प्रसिद्ध अभिनेते आणि कॉमेडियन जॉनी लिव्हर यांची लेक आहे. अल्पावधीतच तिने देखील कला क्षेत्रात मोठे नाव मिळवले आहे. जॅमीचा पणजीतील कला अकादमीत एक कार्यक्रम होणार आहे. यानिमित्ताने तिने एक खास रिल केलीय. यारिलमध्ये तिने बाली आणि गोव्याची नाट्यमय पद्धतीने तुलना केलीय. जॅमीचा हा व्हिडिओ सध्या सोशल मिडियावर व्हायरल झाला आहे.

हे असे समुद्रकिनारे तर गोव्यात देखील आहेत, अशा शॅक्स गोव्यातही आहेत. गोरे परदेशी, डॉल्फीन, फ्ली मार्केट, नारळपाणी हे सगळं गोव्यात पण आहे. दहा तासांची फ्लाईट घेऊन हे मला बालीचे फ्ली मार्केट दाखवत आहेत, असे जॅमी या व्हिडिओत बोलताना दिसत आहे. खरतर जॅमीने तिच्या गोव्यात होणाऱ्या आगामी एका शोच्या निमित्ताने ही रिल तयार केली आहे.

द जॅमी लिव्हर शो

जॅमी लिव्हरचा शो येत्या व्हॅलेंटाईनला (१४ फेब्रुवारी) पणजी येथील कला अकादमीत होणार आहे. या कार्यक्रमाच्या पार्श्वभूमीवर जॅमीने हा व्हिडिओ तयार केला आहे. यात ती बाली आणि गोव्याची तुलना करताना दिसत असून, बालीत असणाऱ्या गोष्टीत गोव्यात देखील असल्याचे सांगत आहे.

गेल्या काही काळापासून गोव्याच्या पर्यटनाबाबत नकारात्मक प्रचार सुरु आहे. गोव्यापेक्षा लोक बाली, थायलंड, दुबईला पसंती देत असल्याचा दावा अनेकांनी केला. दरम्यान, जॅमीने कार्यक्रमाच्या निमित्ताने का होईना पण, बाली असणाऱ्या गोष्टी गोव्यात देखील उत्तम पद्धतीने उपलब्ध असल्याचा व्हिडिओ केला आहे.