तृणमूल काँग्रेसने (TMC) राष्ट्रीय पातळीवरील राजकारणात आपली पोहोच वाढवण्याचा प्रयत्न करत शनिवारी लोकसभा सदस्य महुआ मोईत्रा यांची पक्षाच्या गोवा युनिटच्या प्रभारी म्हणून नियुक्ती केली. गोव्यात येत्या 3 महिन्यात विधानसभा निवडणूक होणार आहे. "आमच्या माननीय सभापती ममता बॅनर्जी यांना महुआ मोईत्रा यांना AITC च्या गोवा युनिटच्या प्रभारी म्हणून नियुक्त करताना आनंद होतो आहे," असे पक्षाने एका निवेदनात म्हटले आहे.

यापुर्वी, तृणमूल काँग्रेसने शनिवारी पश्चिम बंगालमधील राज्यसभेच्या पोटनिवडणुकीसाठी पक्षाचे उपाध्यक्ष लुइझिन फालेरो यांना उमेदवार म्हणून घोषित केले. गोव्याचे माजी मुख्यमंत्री फालेरो यांनी काँग्रेस सोडून सप्टेंबरमध्ये तृणमूलमध्ये प्रवेश केला होता. गेल्या महिन्यात त्यांना पक्षाचे राष्ट्रीय उपाध्यक्ष बनवण्यात आले होते. आणि आता राज्यमभेची उमेदवारी देण्यात आली आहे. गोव्यात आपल्या तृणमून पक्षाचे संघटन मजबूत करण्यासाठी बॅनर्जी यांनी गेल्या महिन्यात किनारी राज्याचा दौरा केला होता. तेव्हा त्यांनी गोवेकरांना अनेक अश्वासन दिली आणि स्थानिक पक्षांच्या नेत्यांच्या भेटी गाठीही घेतल्या.

दरम्यान गोव्यात निवडणुकीचे बिगूल वाजले आहे. प्रचारासाठी सर्वच पक्ष सज्ज झाले आहेत. 2022 मध्ये होणाऱ्या गोवा विधानसभा निवडणुकीचे वारे राज्यात वाहायला लागले. आणि सध्या टेनिस स्टार आणि तृणमूल काँग्रेसचे नेते लिएंडर पेस गोवा दौऱ्यावर आहे. ते कधी मच्छा मार्केटमधील लोकांशीसंवाद साधतांनी दिसतात तर कधी एका बेकरच्या टॅटूने प्रभावित होतांना दिसतात.