गोवा: विधानसभा निवडणुकीच्या पार्श्वभूमीवर जवळजवळ सर्व पक्षांनी आपला जाहीरनामा सादर केला आहे, सर्वांची उत्सुकता ठरलेला भाजपचा जाहीरनामा आज नितीन गडकरी यांच्या हस्ते जाहीर करण्यात आला आहे. (Tanawade remembered Parrikar While presenting goa BJP manifesto)

पणजी (Panjim) येथे हा जाहीरनामा सादर झाला असून, सभेदरम्यान भाजप प्रदेशाध्यक्ष सदानंद शेट तानावडे (Sadanand Sheth Tanavade) यांनी आज जनतेशी संवाद साधला दरम्यान ते म्हणाले, मागील दहा वर्षे भाजप सरकार राज्याची सेवा करत आहे. जनतेने दिलेल्या संधीच भाजपने सोन केलं असून, भाजप सरकारने राज्याला एक स्थिरता दिली आहे. भाजपने मनोहर पर्रीकरांची शिकवण आणि तत्वे जोपासत आज पर्यंन्त जनतेची निस्वार्थ सेवा केली आहे.

ते पुढे म्हणाले, आज भाजपचा जाहिरनामा (BJP Manifesto) सादर करण्यात येणार असून, हा जाहीरनामा करताना जनतेची मते विचारात घेण्यात आली आहेत. आम्ही जनतेच्या मतांना प्राधान्य दिले आहे; तसेच समृद्ध गोव्याच्या दृष्टीने हे पहिले पाऊल आहे. दरम्यान नितीन गडकरी यांची मोठी मदत झाली असून, येत्या विधानसभा निवडणुकीमध्ये पुन्हा भाजप निवडून येणारे गुजरात नंतर गोवा दुसरे राज्य ठरणार आहे. आणि आम्हाला विश्वास आहे की, या विधानसभा निवडणुकीत पुन्हा एकदा भाजपच येईल.