Goa - Uttar Pradesh Assembly Elections 2022 : देशात पाच राज्यातील विधानसभेच्या निवडणुका जाहीर झाल्या. महाराष्ट्रात सत्तेत असलेला शिवसेनेने गोवा आणि उत्तर प्रदेश या राज्यांमध्ये राष्ट्रवादी कॅांग्रेस या पक्षा सोबत युती केली आहे. या राज्यात शिवसेनेला धनुष्यबाणचं निवडणूक चिन्ह असणार आहे हे आता स्पष्ट झाले आहे.

गेल्या काही निवडणुकांमध्ये गोवा आणि उत्तर प्रदेशमध्ये शिवसेनेचा एकही आमदार किंवा खासदार निवडून आला नाही. त्यामुळे गोवा (Goa) आणि उत्तर प्रदेशमध्ये (Uttar Pradesh) शिवसेनेला धनुष्यबाण ऐवजी दुसरं चिन्ह मिळण्याची शक्यता होती. मात्र आता गोवा आणि उत्तर प्रदेशमध्ये शिवसेनेला त्यांचं मूळ असलेलं धनुष्यबाण हेच चिन्ह मिळाले आहे. या चिन्हामुळे मतदानावर काही परिणाम होतो का? हे पाहणं महत्त्वाचं असणार आहे.

गोवा विधानसभा (Goa Election) निवडणुकीत महाराष्ट्र राज्याप्रमाणे महाविकास आघाडी होईल अशी चर्चा होती. मात्र ही चर्चा फोल ठरली. आणि शिवसेना राष्ट्रवादी कॅांग्रेस ची युती झाली. यामध्ये शिवसेना साधारण 10 ते 12 जागांवर लढणार आहे. आतापर्यंत शिवसेनेने नऊ उमेदवारांची यादी जाहीर केली आहे. यात पेडणे, म्हापसा, शिवोली, हळदोणे, पणजी, परये, वारपई, वास्को आणि केपे याठिकाणी शिवसेना निवडणूक लढवणार आहे.

तर उत्तरप्रदेशातून शिवसेना (Shivsena) 50 जागांवर लढण्याची शक्यता आहे. गोवा आणि उत्तरप्रदेशसाठी शिवसेनेला अधिकृत चिन्ह मिळालं आहे यावर अतुल भातखळकर यांनी, 'गोवा आणि उत्तरप्रदेशसाठी शिवसेनेला अधिकृत चिन्ह मिळालं आहे त्यामुळे शिवसेनेचा डिपॉझिट जप्त होणार आहे हे अधिकृतपणे कळेल.' असा टोला शिवसेनेला लगावला आहे.

आदित्य ठाकरेंकडे जबाबदारी

आदित्य ठाकरेंनी (Aaditya Thackeray) वडिलाचं आजारपण आणि राज्याच्या मुख्यमंत्री पदाची जबाबदारी लक्षात घेता, गोवा आणि उत्तर प्रदेश येथिल निवडणुकीची धुरा स्वत: सांभाळत आहे. शिवसेनेकडून शैलेंद्र वेलिंगकर यांना पणजीमधून (Panjim) उमेदवारी जाहीर करण्यात आली आहे. आदित्य ठाकरे प्रचारासाठी गोव्याला जाणार आहे. गोव्यात शिवसेनेने 2017 मध्ये निवडणुका लढवल्या होत्या मात्र एकही जागा त्यांना निवडून आणता आली नाही.