अत्यंत घातक वायू प्रदूषणामुळे (Air Pollution) चीनने शुक्रवारी सर्व महामार्ग आणि शाळेची मैदाने बंद केली. कोळशाच्या उत्पादनावर मर्यादा आणल्यानंतर आणि आंतरराष्ट्रीय पर्यावरण परिषदेत आपल्या पर्यावरणीय रेकॉर्डवर टीका झाल्यानंतर चीनने हे पाऊल उचलले आहे. चीनची सरकारी वृत्तसंस्था शिन्हुआने दिलेल्या माहितीनुसार, बीजिंगच्या नगरपालिका-स्तरीय सरकारने अत्यधिक वायू प्रदूषणामुळे यलो अलर्ट जारी केला आहे.

गुरुवारी दुपारी चार वाजल्यापासून हा नियम लागू करण्यात आला. चीनमधील (China) सर्वात गंभीर वायू प्रदूषणासाठी रेड अलर्ट जारी करण्यात आला आहे. तो अनुक्रमे ब्लू, येलो आणि आरेंज रंगात प्रथम येतो. चीनच्या हवामान विभागाने दिलेल्या माहितीनुसार, बीजिंग (Beijing) आणि आजूबाजूच्या परिसरात बुधवार ते शनिवारपर्यंत हवेचे प्रदूषण खूप वाढणार आहे. शुक्रवारी, चीनच्या उत्तरेकडील भागात धुराने भरलेल्या धुक्याने आकाश व्यापले. यामुळे दृश्यमानता 200 मीटरपेक्षा कमी झाली.

कोळशाच्या उत्पादनात दहा लाख टनांहून अधिक वाढ झाली

या आठवड्याच्या सुरुवातीला, चीनने सांगितले की, आम्ही नियमित कोळसा उत्पादन एक दशलक्ष टनांपेक्षा जास्त वाढवले आहे. जेणेकरुन विजेची कमतरता भासणार नाही. किंबहुना, अलीकडच्या काही महिन्यांत वीज संकटाचा सामना करणाऱ्या चीनला वीज पुरवठ्याअभावी आपले कारखाने बंद करावे लागले होते.

जगातील सर्वात मोठा हरितगृह वायू उत्सर्जक

बँकॉक पोस्टनुसार, चीनच्या शहर प्राधिकरणाच्या हवामान खात्याने हवेतील वाढत्या प्रदुषाणासाठी असामान्य हवामानाच्या स्थितीस जबाबदार ठरले आहे. तर चीन हा जगातील सर्वात मोठा हरितगृह वायू उत्सर्जित करणारा देश मानला जातो. येथील बहुतांश उद्योग कोळशावर अवलंबून असल्याने कार्बन उत्सर्जन सर्वाधिक आहे.